«PSJ» klubi «Barselona» hujumchisi Usmon Dembeleni erkin agent sifatida o‘z safiga qo‘shib olishni istamoqda.
Futbolchining Kataloniya klubi bilan shartnomasi shu yozda nihoyasiga yetadi va tomonlar kelishuvni uzaytirish bo‘yicha muzokara olib bormayapti. «Barselona» futbolchini o‘z safida saqlab qolmoqchi, ammo hozircha Dembele qo‘yayotgan moliyaviy talablarni qondira olmayapti.
O‘z navbatida parijliklar Dembeleni yozda Parij klubini tark etishi mumkin bo‘lgan hujumchi Kilian Mbappe o‘rniga o‘rinbosar sifatida ko‘rmoqda.
Oldinroq «PSJ» Dembelening transferi bo‘yicha prinsipial kelishuvga erishgani haqida xabar berilgandi, ammo «Barselona» futbolchisini qo‘ldan chiqarmoqchi emas.
