«ПСЖ» клуби «Барселона» ҳужумчиси Усмон Дембелени эркин агент сифатида ўз сафига қўшиб олишни истамоқда.
Футболчининг Каталония клуби билан шартномаси шу ёзда ниҳоясига етади ва томонлар келишувни узайтириш бўйича музокара олиб бормаяпти. «Барселона» футболчини ўз сафида сақлаб қолмоқчи, аммо ҳозирча Дембеле қўяётган молиявий талабларни қондира олмаяпти.
Ўз навбатида парижликлар Дембелени ёзда Париж клубини тарк этиши мумкин бўлган ҳужумчи Килиан Мбаппе ўрнига ўринбосар сифатида кўрмоқда.
Олдинроқ «ПСЖ» Дембеленинг трансфери бўйича принципиал келишувга эришгани ҳақида хабар берилганди, аммо «Барселона» футболчисини қўлдан чиқармоқчи эмас.
