«Arsenal» hujumchisi Aleksandr Lyakazett mavsum oxirida «Arsenal»ni tark etishni rejalashtirayotganini aytdi.

«Men Yevropa musobaqalarida o‘ynashni xohlayman. Chempionlar ligasida ham anchadan beri o‘ynamadim. Ushbu musobaqada o‘ynashni sog‘indim», — deydi Lyakazett.

U o‘zining sobiq jamoasi «Lion» bilan aloqada ekanligini qo‘shimcha qildi.

«Men yiliga bir yoki ikki marta klubga qaytib, tibbiy xodimlari bilan ko‘rishishga harakat qilaman, chunki biz juda yaqinmiz. «Lion» mening vaziyatimni biladi va ular «Arsenal» bilan bog‘lanishdi», — dedi hujumchi.

Biroq, «Lion» keyingi mavsumda Chempionlar ligasiga yo‘l olishi dargumon va bu hujumchining fransuz klubiga o‘tishini qiyinlashtirmoqda.