«Арсенал» ҳужумчиси Александр Ляказетт мавсум охирида «Арсенал»ни тарк этишни режалаштираётганини айтди.

«Мен Европа мусобақаларида ўйнашни хоҳлайман. Чемпионлар лигасида ҳам анчадан бери ўйнамадим. Ушбу мусобақада ўйнашни соғиндим», — дейди Ляказетт.

У ўзининг собиқ жамоаси «Лион» билан алоқада эканлигини қўшимча қилди.

«Мен йилига бир ёки икки марта клубга қайтиб, тиббий ходимлари билан кўришишга ҳаракат қиламан, чунки биз жуда яқинмиз. «Лион» менинг вазиятимни билади ва улар «Арсенал» билан боғланишди», — деди ҳужумчи.

Бироқ, «Лион» кейинги мавсумда Чемпионлар лигасига йўл олиши даргумон ва бу ҳужумчининг француз клубига ўтишини қийинлаштирмоқда.