«Arsenal» yarim himoyachisi Sambi Lokonga jurnalistlarga klub Premyer-ligada kuchli 4 talik uchun kurashda taslim bo‘lmoqchi emasligini aytdi. Angliya chempionatining so‘nggi turida «kanonirlar» «Sautgempton»ga 0:1 hisobida imkoniyatni boy berishdi.
«O‘ylashimcha, kiyinish xonasidagilarning hammasi hozircha bu yetarli emasligini bilishadi, lekin biz bir bo‘lib, oldingi holatimizga qaytishimiz kerak. Ishonamanki, biz mavsum so‘nggida YECHL yo‘llanmasini qo‘lga kiritganimizni nishonlaymiz», — dedi 22 yoshli futbolchi klub saytiga bergan intervyusida.
Bundan tashqari, u «Arsenal» muxlislariga qo‘llab-quvvatlaganliklari uchun minnatdorchilik bildirdi.
«Muxlislar har doim biz bilan birga, shuning uchun ularga rahmat aytishimiz kerak va ular bizga kerak», — deya qo‘shimcha qiladi Lokonga.
