«Арсенал» ярим ҳимоячиси Самби Локонга журналистларга клуб Премьер-лигада кучли 4 талик учун курашда таслим бўлмоқчи эмаслигини айтди. Англия чемпионатининг сўнгги турида «канонирлар» «Саутгемптон»га 0:1 ҳисобида имкониятни бой беришди.

«Ўйлашимча, кийиниш хонасидагиларнинг ҳаммаси ҳозирча бу етарли эмаслигини билишади, лекин биз бир бўлиб, олдинги ҳолатимизга қайтишимиз керак. Ишонаманки, биз мавсум сўнггида ЕЧЛ йўлланмасини қўлга киритганимизни нишонлаймиз», — деди 22 ёшли футболчи клуб сайтига берган интервьюсида.

Бундан ташқари, у «Арсенал» мухлисларига қўллаб-қувватлаганликлари учун миннатдорчилик билдирди.

«Мухлислар ҳар доим биз билан бирга, шунинг учун уларга раҳмат айтишимиз керак ва улар бизга керак», — дея қўшимча қилади Локонга.