«Tottenxem» yarim himoyachisi Lukas Moura jurnalistlarga «Brayton»ga qarshi o‘yinda uchralgan mag‘lubiyatdan hafsalasi pir bo‘lganini, ammo klub hali ham Premyer-liganing kuchli 4taligiga kira olishiga ishonishini aytdi.
«Hammamiz hafsalamiz pir bo‘ldi. Bu juda yomon o‘yin bo‘ldi. Biz bu o‘yinlardan saboq olishimiz kerak. Xafa bo‘lishga vaqt yo‘q. Keling, keyingi o‘yinlarda nima bo‘lishini kuzatamiz», - dedi Moura Athletic nashriga bergan intervyusida.
«Tottenxem» o‘z maydonidagi mag‘lubiyatga qaramay, APLda «Arsenal» va «Manchester Yunayted»ni uch ochkoga ortda qoldirib, to‘rtinchi o‘rinni egallab turibdi.
«Kuchli to‘rtlikka kirish hali ham mumkin va bu bizning maqsadimiz. Biz hozir bor e’tiborni keyingi o‘yinlarga qaratishimiz kerak», — deya qo‘shimcha qildi Moura.
