«Тоттенхэм» ярим ҳимоячиси Лукас Моура журналистларга «Брайтон»га қарши ўйинда учралган мағлубиятдан ҳафсаласи пир бўлганини, аммо клуб ҳали ҳам Премьер-лиганинг кучли 4талигига кира олишига ишонишини айтди.
«Ҳаммамиз ҳафсаламиз пир бўлди. Бу жуда ёмон ўйин бўлди. Биз бу ўйинлардан сабоқ олишимиз керак. Хафа бўлишга вақт йўқ. Келинг, кейинги ўйинларда нима бўлишини кузатамиз», - деди Моура Athletic нашрига берган интервьюсида.
«Тоттенхэм» ўз майдонидаги мағлубиятга қарамай, АПЛда «Арсенал» ва «Манчестер Юнайтед»ни уч очкога ортда қолдириб, тўртинчи ўринни эгаллаб турибди.
«Кучли тўртликка кириш ҳали ҳам мумкин ва бу бизнинг мақсадимиз. Биз ҳозир бор эътиборни кейинги ўйинларга қаратишимиз керак», — дея қўшимча қилди Моура.
