«Bavariya»ga tegishli bo‘lgan «Monako» darvozaboni Aleksandr Nyubel Myunxen klubiga qaytmoqchi emasligini aytdi.
«Keyingi mavsumda ham «Monako»da o‘ynayman. Klub bilan ijara shartnomam yana ikki yilga mo‘ljallangan. Agar «Bavariya» boshqa narsani o‘ylayotgan bo‘lsa, biz buni muhokama qilishimiz kerak, ammo men hozirgi jamoamda qolmoqchiman.
Noyer mavsumini yaxshi o‘tkazmoqda. U tarixdagi eng yaxshi kiper. Agar Manuel shartnomasini yana 3-4 yilga uzaytirsa va o‘sha saviyada o‘ynashda davom etsa, meni Myunxenga borishimdan foyda yo‘q. Agar unday bo‘lmasa, bu boshqa savol», — dedi Nyubel.
