O‘zbekiston kubogi 3-turi doirasidagi bahsda Samarqandning «Dinamo» jamoasi safarda Navoiyning «Qizilqum» klubiga qarshi maydonga tushadi.

Serbiyalik murabbiylar Nikola Lazarevich va Predrag Rogan murabbiyligidagi «Dinamo» va «Qizilqum» klublari ayni damda ikki xil holatda. Samarqand klubi 3-tur boshlanishidan avval guruhda so‘nggi 4-o‘rinda bo‘lsa, «Qizilqum» 3 ochko bilan 2-o‘rinda bormoqda.

O‘zaro o‘yinlar tarixiga nazar soladigan bo‘lsak, ustunlik «Qizilqum»da – 37 o‘yinda 16 marta g‘alaba qozongan. «Dinamo» 10 bahsda yutgan bo‘lsa, yana 11 uchrashuvda kuchlar teng kelgan. To‘plar nisbati 46:47 – navoiyliklar foydasiga.

Jamoalarning o‘zaro so‘nggi bahsi 17 mart kuni Superliga 3-turi doirasida o‘tib, «Dinamo» Samarqandda «Qizilqum» bilan durang qayd etgandi - 0:0. Superliga peshqadami sanalmish Navoiy klubi faqatgina Samarqandda ochko yo‘qotdi. «Dinamo» ham aynan shu jamoaga qarshi hozircha mavsumdagi ilk ochkosini ishlagan.