Ўзбекистон кубоги 3-тури доирасидаги баҳсда Самарқанднинг «Динамо» жамоаси сафарда Навоийнинг «Қизилқум» клубига қарши майдонга тушади.

Сербиялик мураббийлар Никола Лазаревич ва Предраг Роган мураббийлигидаги «Динамо» ва «Қизилқум» клублари айни дамда икки хил ҳолатда. Самарқанд клуби 3-тур бошланишидан аввал гуруҳда сўнгги 4-ўринда бўлса, «Қизилқум» 3 очко билан 2-ўринда бормоқда.

Ўзаро ўйинлар тарихига назар соладиган бўлсак, устунлик «Қизилқум»да – 37 ўйинда 16 марта ғалаба қозонган. «Динамо» 10 баҳсда ютган бўлса, яна 11 учрашувда кучлар тенг келган. Тўплар нисбати 46:47 – навоийликлар фойдасига.

Жамоаларнинг ўзаро сўнгги баҳси 17 март куни Суперлига 3-тури доирасида ўтиб, «Динамо» Самарқандда «Қизилқум» билан дуранг қайд этганди - 0:0. Суперлига пешқадами саналмиш Навоий клуби фақатгина Самарқандда очко йўқотди. «Динамо» ҳам айнан шу жамоага қарши ҳозирча мавсумдаги илк очкосини ишлаган.