O‘zbekiston futbol assosiasiyasi yurtimizda futbol maydonlari holatini yaxshilash, terma jamoalarimiz uchun baza barpo etish, futbol infratuzilmasini yaxshilash borasidagi o‘z oldiga qo‘ygan maqsad va rejalarini amalga oshirishda davom etmoqda. Ayni vaqtdagi qurilish-ta’mirlash ishlari O‘FA mutasaddilari tomonidan doimiy nazorat qilinyapti. Bugun O‘FA mutaxassislari Toshkent viloyatidagi terma jamoalar bazasi qurilish ishlarini ko‘zdan kechirdi. Ayni vaqtda “Do‘stlik” stadionining drenaj tizimi to‘liq zamonaviy talablarga mos ravishda ta’mirlanmoqda.

Shuningdek, ishchi guruhi “Jar” stadionidagi ishlar bilan tanishdi. Ayni vaqtda ushbu majmuada Olimpiya terma jamoasi faoliyati uchun barcha qulayliklar yaratilmoqda. Bosh murabbiy Temur Kapadze va mutasaddilar bilan suhbatda maydonlar bevosita futbolning sifatiga ta’sir qilishi, ularni o‘yinlarga tayyorlash va chimlarni doimiy nazorat ostida ushlash kerakligi, bunga ilmiy yondashish zarurligi ta’kidladi. Qurilish-ta’mirlash ishlari mas’ullariga kerakli ko‘rsatma va tavsiyalar berildi.