Ўзбекистон футбол ассоциацияси юртимизда футбол майдонлари ҳолатини яхшилаш, терма жамоаларимиз учун база барпо этиш, футбол инфратузилмасини яхшилаш борасидаги ўз олдига қўйган мақсад ва режаларини амалга оширишда давом этмоқда. Айни вақтдаги қурилиш-таъмирлаш ишлари ЎФА мутасаддилари томонидан доимий назорат қилиняпти. Бугун ЎФА мутахассислари Тошкент вилоятидаги терма жамоалар базаси қурилиш ишларини кўздан кечирди. Айни вақтда “Дўстлик” стадионининг дренаж тизими тўлиқ замонавий талабларга мос равишда таъмирланмоқда.

Шунингдек, ишчи гуруҳи “Жар” стадионидаги ишлар билан танишди. Айни вақтда ушбу мажмуада Олимпия терма жамоаси фаолияти учун барча қулайликлар яратилмоқда. Бош мураббий Темур Кападзе ва мутасаддилар билан суҳбатда майдонлар бевосита футболнинг сифатига таъсир қилиши, уларни ўйинларга тайёрлаш ва чимларни доимий назорат остида ушлаш кераклиги, бунга илмий ёндашиш зарурлиги таъкидлади. Қурилиш-таъмирлаш ишлари масъулларига керакли кўрсатма ва тавсиялар берилди.