Londonning «Vest Xem» klubi va Ukraina terma jamoasi hujumchisi Andrey Yarmolenko terma jamoasining JCH-2022ga chiqish imkoniyatlari haqida o‘z fikrlari bilan o‘rtoqlashdi.
«Bir hafta vaqtimiz bo‘lsa ham, barcha zaxiramizni yig‘ib, xalqimiz uchun o‘ynashimiz kerak. Men professional futbolchi sifatida shuni ayta olamanki, bu haqiqatga to‘g‘ri kelmaydi. Bu hamma uchun bir umrlik o‘yin bo‘ladi, lekin bizga sovg‘alar kerak emas. Biz sog‘lom erkaklarmiz va hamma narsani maydonda isbotlashimiz kerak» - dedi Yarmolenko Yevgeniy Savin bilan suhbatda.
Eslatib o‘tamiz, Ukraina terma jamoasi pley-off turnirining yarim finalida 1 iyun kuni Shotlandiyaga qarshi o‘ynaydi. Uchrashuv g‘olibi pley-off finalida Uelsga terma jamoasiga qarshi bahs olib boradi. Ushbu juftlik g‘olibi Qatarda bo‘lib o‘tadigan Jahon chempionati guruh bosqichiga yo‘l oladi.
Pley-off turniri g‘olibi Angliya, AQSH va Eron jamoalari joy olgan «B» guruhiga tushadi.
Avvalroq, Buyuk Britaniya bosh vaziri Ukrainaga JCH-2022 guruh bosqichida to‘g‘ridan-to‘g‘ri ishtirok etish, ya’ni pley-off turnirida o‘ynamaslik huquqini berishni taklif qilgandi.
Jahon chempionati 2022 yilning 21 noyabridan 18 dekabriga qadar Qatarda bo‘lib o‘tadi.
