Лондоннинг «Вест Хэм» клуби ва Украина терма жамоаси ҳужумчиси Андрей Ярмоленко терма жамоасининг ЖЧ-2022га чиқиш имкониятлари ҳақида ўз фикрлари билан ўртоқлашди.
«Бир ҳафта вақтимиз бўлса ҳам, барча захирамизни йиғиб, халқимиз учун ўйнашимиз керак. Мен профессионал футболчи сифатида шуни айта оламанки, бу ҳақиқатга тўғри келмайди. Бу ҳамма учун бир умрлик ўйин бўлади, лекин бизга совғалар керак эмас. Биз соғлом эркаклармиз ва ҳамма нарсани майдонда исботлашимиз керак» - деди Ярмоленко Евгений Савин билан суҳбатда.
Эслатиб ўтамиз, Украина терма жамоаси плей-офф турнирининг ярим финалида 1 июнь куни Шотландияга қарши ўйнайди. Учрашув ғолиби плей-офф финалида Уэльсга терма жамоасига қарши баҳс олиб боради. Ушбу жуфтлик ғолиби Қатарда бўлиб ўтадиган Жаҳон чемпионати гуруҳ босқичига йўл олади.
Плей-офф турнири ғолиби Англия, АҚШ ва Эрон жамоалари жой олган «Б» гуруҳига тушади.
Аввалроқ, Буюк Британия бош вазири Украинага ЖЧ-2022 гуруҳ босқичида тўғридан-тўғри иштирок этиш, яъни плей-офф турнирида ўйнамаслик ҳуқуқини беришни таклиф қилганди.
Жаҳон чемпионати 2022 йилнинг 21 ноябридан 18 декабрига қадар Қатарда бўлиб ўтади.
