"Manchester Yunayted" klubi hamda Portugaliya terma jamoasi hujumchisi Krishtianu Ronaldu yangi tug‘ilgan o‘g‘lining vafot etganini e’lon qildi.
Oktyabr oyida «Manchester Yunayted» hujumchisi Jorjina Rodriges bilan egizak farzand kutayotganini ma’lum qilgandi. Keyinchalik bu o‘g‘il va qiz ekanligi ma’lum bo‘ldi. Bugun Krishtianu bu bolalarning biri vafot etgani haqida qayg‘uli post joyladi.
“Biz o‘g‘limiz vafot etganini chuqur qayg‘u bilan e’lon qilamiz. Faqatgina qizaloqning tug‘ilishi, bu lahzadan ozgina umid va quvonch bilan omon qolish uchun bizga kuch beradi.
Biz shifokorlar va hamshiralarga yordam uchun minnatdorchilik bildiramiz.
Biz qayg‘udamiz va bu juda og‘ir vaqtda mahfiylik so‘raymiz. Bolamiz, sen bizning farishtamizsan. Biz seni abadiy sevamiz”, - deb post qoldirdi Ronaldu o‘zining "Instagram"dagi rasmiy sahifasida.
