"Манчестер Юнайтед" клуби ҳамда Португалия терма жамоаси ҳужумчиси Криштиану Роналду янги туғилган ўғлининг вафот этганини эълон қилди.
Октябрь ойида «Манчестер Юнайтед» ҳужумчиси Жоржина Родригес билан эгизак фарзанд кутаётганини маълум қилганди. Кейинчалик бу ўғил ва қиз эканлиги маълум бўлди. Бугун Криштиану бу болаларнинг бири вафот этгани ҳақида қайғули пост жойлади.
“Биз ўғлимиз вафот этганини чуқур қайғу билан эълон қиламиз. Фақатгина қизалоқнинг туғилиши, бу лаҳзадан озгина умид ва қувонч билан омон қолиш учун бизга куч беради.
Биз шифокорлар ва ҳамшираларга ёрдам учун миннатдорчилик билдирамиз.
Биз қайғудамиз ва бу жуда оғир вақтда маҳфийлик сўраймиз. Боламиз, сен бизнинг фариштамизсан. Биз сени абадий севамиз”, - деб пост қолдирди Роналду ўзининг "Инстаграм"даги расмий саҳифасида.
