«Пари Сен-Жермен» ҳужумчиси Усмон Дембеле билан шартномани узайтиришни режалаштирмоқда.
Журналист Фабрис Хокинс хабарига кўра, парижликлар 29 ёшли футболчига 2029 ёки 2030 йилгача мўлжалланган янги шартнома таклиф қилиш ниятида.
Франциялик футболчи билан музокаралар бир неча ойдан бери давом этаётган бўлса-да, ҳозирча томонлар якуний келишувга эриша олмаган. Шунга қарамай, «ПСЖ»да бу борада жиддий хавотир йўқ. Клуб ва футболчи ҳамкорликни давом эттириш истагида экани таъкидланмоқда.
Музокараларнинг навбатдаги босқичи ёзги трансфер ойнаси ёпилганидан кейин бўлиб ўтиши кутилмоқда.
Усмон Дембеленинг «ПСЖ» билан амалдаги шартномаси 2028 йилнинг ёзига қадар мўлжалланган.
