Italiya chempionatining 33-turida «Roma» Neapolda mehmon bo‘lib, mahalliy «Napoli» klubi bilan o‘yinda so‘nggi daqiqalarda kiritilga gol evaziga durang o‘ynadi — 1:1. «Roma»ning golini zaxiradan maydonga tushgan Stefan El-SHaaravi kiritdi. Futbolchi uchun bu joriy mavsumdagi uchinchi gol bo‘ldi.
E’tiborli tomoni shundaki, Stefan o‘z nomiga yozib qo‘ygan 3 ta golining hammasini 90-daqiqadan keyin, hakam tomonidan qo‘shib berilgan vaqtda kiritdi!
El-SHaaravi oldingi turlardagi «Sassuolo»ga qarshi o‘yinda va «Milan»ga qarshi o‘yinda ham qo‘shimcha vaqtlarda gol urib, jamoasi joniga oro kirgan.
Ma’lumot o‘rnida, asli misrlik hujumchi joriy mavsum ichki chempionatda yigirma ikkita o‘yinda maydonga tushgan.
