Италия чемпионатининг 33-турида «Рома» Неаполда меҳмон бўлиб, маҳаллий «Наполи» клуби билан ўйинда сўнгги дақиқаларда киритилга гол эвазига дуранг ўйнади — 1:1. «Рома»нинг голини захирадан майдонга тушган Стефан Эль-Шаарави киритди. Футболчи учун бу жорий мавсумдаги учинчи гол бўлди.

Эътиборли томони шундаки, Стефан ўз номига ёзиб қўйган 3 та голининг ҳаммасини 90-дақиқадан кейин, ҳакам томонидан қўшиб берилган вақтда киритди!

Эль-Шаарави олдинги турлардаги «Сассуоло»га қарши ўйинда ва «Милан»га қарши ўйинда ҳам қўшимча вақтларда гол уриб, жамоаси жонига оро кирган.

Маълумот ўрнида, асли мисрлик ҳужумчи жорий мавсум ички чемпионатда йигирма иккита ўйинда майдонга тушган.