«PSJ» bosh murabbiyi Maurisio Pochettino Parij klubidagi kelajagi haqida gapirdi.
«Shartnomam tugashiga bir yil qoldi, shuning uchun gap istakda emas, shartnoma masalasida», - deya Pochettinoning so‘zlarini keltirmoqda beIN Sports.
Mutaxassis jamoasi Chempionlar ligasida g‘alaba qozona olmaganidan xafa bo‘lgan. Biroq, bunday turnirlarda har kuni ham g‘alaba qozonilmasligini ta’kidladi.
Pochettinoning aytishicha, hozir «PSJ» bor e’tiborini Fransiya chempionligini qo‘lga kiritishga qaratgan.