Bugun, 19 aprel kuni Gamburgdagi «Imtex Arena» stadionida Germaniya kubogi yarim finalidan o‘rin olgan «Gamburg» – «Frayburg» uchrashuvi bo‘lib o‘tdi. Qarama-qarshilik 3:1 hisobida mehmonlar foydasiga hal bo‘ldi.

O‘yindagi hisob 11-daqiqada Nils Petersen tomonidan ochildi. Oradan olti daqiqa o‘tib Nikolas Xefler ustunlikni mustahkamladi. Uchrashuvning 34-daqiqasida uchrashuv bosh hakami Deniz Aytekin penalti belgiladi va uni Grifo aniq amalga oshirib, hisobni yirik ko‘rinishga keltirdi, biroq asosiy vaqt tugashiga ikki daqiqa qolganida Robert Glatsel hisobni qisqartirdi. 

Finalda «Frayburg» «RB Leypsig» - «Union» juftligi g‘olibi bilan uchrashadi.

«Gamburg» – «Frayburg» 1:3 
«Imtex Arena»

Gollar: 0:1 – 11 Petersen, 0:2 – 17 Xefler, 0:3 – 35, penalti Grifo, 1:3 – 88 Glatsel.

«Gamburg» – Xoyer, Shonlau, Vushkovich, Karabue (Alidou, 82), Kittel, Meffert, Djatta (Muxaym, 82), Suhonen (Chakvetadze, 85), Reys (Kaufmann, 69), Xayer, Glatsel.

«Frayburg» – Flekken, Linxart, Shlotterbek, Gyunter, Xefler, Grifo (Vaysxaupt, 79), Shallai (Xeler, 64), Eggeshtayn, Chjon Vu Yen (Xaberer, 79), Shmid (Sildiyya, 90), Petersen (Demirovich, 64).

Ogohlantirishlar: Meffert (37), Reys (48), Gyunter (57), Xefler (63), Shlotterbek (71), Kaufmann (74), Xayer (90), Vaysxaupt (90).