Mo‘g‘uliston poytaxti Ulan-Batorda sport kurashlari bo‘yicha Osiyo chempionatining ikkinchi kungi bahslari 20 aprel, chorshanba kuni bo‘lib o‘tdi.

Unda 5 nafar o‘zbekistonlik sportchi medallar uchun kurash olib bordi.

-60 kg vazn toifasida Feruz To‘xtayev yaponiyalik raqibi Ayata Suzukiga 3:12 hisobida mag‘lubiyatga uchradi va 5-o‘rinni egalladi.

Bronza medal uchun bahslarda -67 kg vazn toifasida Mahmud Baxshulloyev hindistonlik raqibi Sachin Sahravatga, -72 kg vazn toifasida Mirzobek Rahmatov qirg‘istonlik raqibi Adilxan Nurlanbekovga yutqazib qo‘ydi.

-82 kg vazn toifasida Muhammadqodir Rasulov yaponiyalik raqibi Yuya Okajimani mag‘lub etib, bronza medaliga sazovor bo‘ldi.

-97 kg vazn vazn toifasida Rustam Assakalov finalda eronlik Mehdi Balihamzega qarshi bahsda mag‘lub bo‘ldi, natijada o‘zbekistonlik sportchi Osiyo chempionatining kumush medalini qo‘lga kiritdi.

Ma’lumot uchun, yunon-rum kurashi bo‘yicha O‘zbekiston terma jamoasi kechagi bahslarda 1ta kumush va 1ta bronza, birinchi kungi musobaqada 1ta kumush 2ta bronza jamg‘arishdi.