UYEFA Chempionlar ligasining bu yilgi finaliga muxlislar miqdori qanday taqsimlanishi ma’lum bo‘ldi. Xabarlarga ko‘ra, Parijdagi stadion o‘z bag‘riga jami 75 ming muxlisni sig‘dira oladi. Ushbu miqdor esa quyidagicha bo‘lib olinadi:
- Har ikki finalchi klublar muxlislariga 20 mingtadan chipta ajratiladi;
- 12 ming chipta dunyo bo‘ylab tashrif buyuradigan muxlislar uchun belgilab qo‘yildi (UEFA.com saytidan xarid qilish mumkin);
- 10 ming chipta ikki jamoaning muxlislariga pandemiya davrida ko‘rsatgan jasorati va sadoqati uchun tekin tarqatiladi;
- Qolgan 13 ming chipta esa homiy tashkilotlar hamda turnir tashkilotchilari hodimlariga mo‘ljallangan.
