"Paxtakor"ning chernogoriyalik legioner hujumchisi Oliver Sharkich "Sepaxon"ga qarshi o‘yin oldidan matbuot anjumanida qatnashdi.
"Biz yutishimiz shart bo‘lgan o‘yin. Kichik imkoniyat saqlanib qolgan. Undan foydalanishga urinishimiz kerak. Hech qanday bahonalar ketmaydi. O‘zimizni ko‘rsatib, g‘alaba qozonish va imkoniyatni saqlab qolishga harakat qilamiz.
Ko‘p vaziyat yaratayotganimiz hujum uyushtirishda to‘g‘ri o‘ynayotganimizni ko‘rsatadi, faqat ulardan foydalanishimiz lozim. Yaqqol imkoniyatlardan to‘p kirita olmadik. Ko‘proq diqqatni jamlagan holda o‘ynashimiz kerak. Bu borada ko‘rsatkichlarni yaxshilashimiz kerak", - dedi Sharkich.
Eslatib o‘tamiz, "Sepaxon" va "Paxtakor" o‘rtasidagi o‘yin 22 aprel kuni Burayda shahridagi "Qirol Abdulloh" stadionida Toshkent vaqti bilan soat 22:15 da boshlanadi.
