Turinning «Yuventus» klubi bosh murabbiyi Massimiliano Allegrining ishidan to‘liq qoniqish hosil qilmoqda. La Gazzetta dello Sport nashri xabariga ko‘ra, «keksa sinyora» rahbariyati klub ustoziga ishonadi va yaqinlashib kelayotgan yozgi transfer oynasida uni qo‘llab-quvvatlash niyatida.

«Yuventus»ning asosiy transfer maqsadlari orasida Londonning «Chelsi» klubining uch nafar futbolchisi hisoblanadi. Gap yarim himoyachi Jorjinyo, shuningdek, himoyachilar Markos Alonso va Antonio Ryudiger haqida ketmoqda. 

«Yuventus» ayni damda chempionatda to‘rtinchi o‘rinni egallab turibdi va yaqinda jamoa Italiya kubogi finaliga chiqdi. Shuningdek, joriy mavsum klub Chempionlar ligasi ⅛ final bosqichida «Vilyarreal» tomonidan chiqarib yuborildi.