"Nasaf" bosh murabbiyi Ro‘ziqul Berdiyev Osiyo Chempionlar ligasi guruh bosqichi 5-turidan o‘rin olgan "As-Sadd" bilan bo‘lib o‘tgan o‘yindan so‘ng (3:1) o‘z fikrlari bilan o‘rtoqlashdi.

"Barchaga hayrli kech! Bugun o‘yinni yaxshi tashkil qildik. Raqibning kuchli taraflarini ham yopishga harakat qildik.

Futbolchilarimiz buning uddasidan chiqishdi. Ikkinchi bo‘limda hujumda yaxshi o‘ynadik. Bu yerga kelishimizdan maqsadimiz anchagina jiddiy edi. O‘ylaymanki, buni o‘yinlarimiz bilan ko‘rsatyapmiz.

Kecha ham aytgandim, hujumni yakunlashda faqat hujumchilar emas, boshqa futbolchilar ham qo‘shilishi kerak, deb. Bu narsa amalda bugun isbotini topdi. Bu ruhiyat bilan bog‘liq masala. O‘ylaymanki, ushbu o‘yindan so‘ng barchasi yanada yaxshi bo‘ladi", - dedi Berdiyev.