Kecha Krishtianu Ronaldu egizak farzandlarining birini vafotidan so‘ng ilk bor futbol o‘ynadi va darhol o‘z hisobiga gol yozdirib qo‘ydi. To‘g‘ri, portugaliyalikning goli jamoasini mag‘lubiyatdan qutqarib qolmadi: «Manchester Yunayted» Londonda «Arsenal»ga 1:3 hisobida imkoniyatni boy berdi.

Portugaliya ommaviy axborot vositalari Ronaldu oilasidagi muammo haqida hayratlanarli ma’lumotni oshkor qildi. Ma’lum bo‘lishicha, 2019 yilda fojiani tarolog (folbin) Ines Pereyra Pina bashorat qilgan, deb xabar beradi A Televisão. «To‘ydan keyin Jorjina yana homilador bo‘ladi. Uning egizak farzandlari bo‘ladi, lekin faqat bitta chaqaloq omon qoladi», — degan Pina bir necha yil oldin.

Albatta bu sizga fantastika bo‘lib tuyulishi mumkin, lekin ushbu folbinning  ijtimoiy tarmoqlaridagi videolari dalil bo‘la oladi. 

«Tarot kartalarini o‘qiyotganda, voqealarning aniq vaqtini oldindan aytish juda qiyin», -dedi Pina. - Ammo bu hodisa ertami-kechmi sodir bo‘ladi. Krishtianu va Jorjina turmush qurishlarini bashorat qilganimda xato qilganman. Ha, ularning munosabatlari juda jiddiy, lekin baribir ular qonuniy ravishda turmush qurishmagan.

Afsuski, hech kim istamagan narsaamalga oshdi: bolaning o‘limi. Men bunday bashorat qilganimni allaqachon unutganman. Lekin mijozim buni eslatdi va men dahshatdan titrab ketdim.

Tarot kartalari nima?

Tarot kartalari Yevropada 15-asrning o‘rtalaridan beri karta o‘yinlari uchun ishlatilgan va 18-asrning oxiridan boshlab ular fol ochish ochishda faol qo‘llanilib keladi. Tarot kartasining ko‘plab dizaynlari mavjud, eng mashhur ikonografiya - Taro Rayder — Ueyt bo‘lib, u o‘tgan asrning boshlarida chizilgan kartalar hisoblanadi