Кеча Криштиану Роналду эгизак фарзандларининг бирини вафотидан сўнг илк бор футбол ўйнади ва дарҳол ўз ҳисобига гол ёздириб қўйди. Тўғри, португалияликнинг голи жамоасини мағлубиятдан қутқариб қолмади: «Манчестер Юнайтед» Лондонда «Арсенал»га 1:3 ҳисобида имкониятни бой берди.
Португалия оммавий ахборот воситалари Роналду оиласидаги муаммо ҳақида ҳайратланарли маълумотни ошкор қилди. Маълум бўлишича, 2019 йилда фожиани таролог (фолбин) Инес Перейра Пина башорат қилган, деб хабар беради A Televisão. «Тўйдан кейин Жоржина яна ҳомиладор бўлади. Унинг эгизак фарзандлари бўлади, лекин фақат битта чақалоқ омон қолади», — деган Пина бир неча йил олдин.
Албатта бу сизга фантастика бўлиб туюлиши мумкин, лекин ушбу фолбиннинг ижтимоий тармоқларидаги видеолари далил бўла олади.
«Тарот карталарини ўқиётганда, воқеаларнинг аниқ вақтини олдиндан айтиш жуда қийин», -деди Пина. - Аммо бу ҳодиса эртами-кечми содир бўлади. Криштиану ва Жоржина турмуш қуришларини башорат қилганимда хато қилганман. Ҳа, уларнинг муносабатлари жуда жиддий, лекин барибир улар қонуний равишда турмуш қуришмаган.
Афсуски, ҳеч ким истамаган нарсаамалга ошди: боланинг ўлими. Мен бундай башорат қилганимни аллақачон унутганман. Лекин мижозим буни эслатди ва мен даҳшатдан титраб кетдим.
Тарот карталари нима?
Тарот карталари Европада 15-асрнинг ўрталаридан бери карта ўйинлари учун ишлатилган ва 18-асрнинг охиридан бошлаб улар фол очиш очишда фаол қўлланилиб келади. Тарот картасининг кўплаб дизайнлари мавжуд, энг машҳур иконография - Таро Райдер — Уэйт бўлиб, у ўтган асрнинг бошларида чизилган карталар ҳисобланади
