«Manchester Yunayted» yarim himoyachisi Pol Pogba Manchesterning boshqa jamoasi qiziqishlari doirasiga tushmagan.

Fransiyalik yarim himoyachi shu yozda «Manchester Yunayted»ni tark etishga yaqin turibdi va «Manchester Siti» uning moliyaviy ehtiyojlarini qondira oladigan kam sonli ingliz klublardan biri. Biroq Daily Star nashrining yozishicha, «shaharliklar» bunday kelishuvdan bosh tortgan.

Pogba uchun asosiy da’vogar Fransiyaning «PSJ» klubi hisoblanadi. Ammo 29 yoshli fransiyalik futbolchi Turinning «Yuventus» klubiga qaytish haqida o‘ylayapti.

Pol Pogba joriy mavsumda «qizil iblislar» safida barcha musobaqalarda 27 ta o‘yinda maydonga tushib, 1 ta gol va 9 ta golli uzatmani amalga oshirdi.