«Манчестер Юнайтед» ярим ҳимоячиси Поль Погба Манчестернинг бошқа жамоаси қизиқишлари доирасига тушмаган.
Франциялик ярим ҳимоячи шу ёзда «Манчестер Юнайтед»ни тарк этишга яқин турибди ва «Манчестер Сити» унинг молиявий эҳтиёжларини қондира оладиган кам сонли инглиз клублардан бири. Бироқ Daily Star нашрининг ёзишича, «шаҳарликлар» бундай келишувдан бош тортган.
Погба учун асосий даъвогар Франциянинг «ПСЖ» клуби ҳисобланади. Аммо 29 ёшли франциялик футболчи Туриннинг «Ювентус» клубига қайтиш ҳақида ўйлаяпти.
Поль Погба жорий мавсумда «қизил иблислар» сафида барча мусобақаларда 27 та ўйинда майдонга тушиб, 1 та гол ва 9 та голли узатмани амалга оширди.
