Madridning «Real» klubiga tekinga o‘tishga bir qadam qolgan «Chelsi» himoyachisi Antonio Ryudiger yangi klubida haftasiga 240 ming yevro ishlab oladi. Bu haqda Goal portali xabar bermoqda.
Manbaning qo‘shimcha qilishicha, avvalroq «Chelsi» mavsum oxiridagi shartnomasi yakunlanadigan Ryudigerga xuddi shuncha maosh taklif qilgandi, biroq, tomonlar yakunda shartnomani uzaytirishmadi. Ehtimol, tomonlar kelishuvga erishgan bo‘lardi, ammo joriy etilgan sanksiyalar bunga imkon bermadi.
O‘tgan yozda «Real» «Bavariya» himoyachisi David Alabani tekinga o‘z safiga qo‘shib olgandi va yiliga 20 million yevro maoshli shartnoma imzolagandi.
