Мадриднинг «Реал» клубига текинга ўтишга бир қадам қолган «Челси» ҳимоячиси Антонио Рюдигер янги клубида ҳафтасига 240 минг евро ишлаб олади. Бу ҳақда Goal портали хабар бермоқда.
Манбанинг қўшимча қилишича, аввалроқ «Челси» мавсум охиридаги шартномаси якунланадиган Рюдигерга худди шунча маош таклиф қилганди, бироқ, томонлар якунда шартномани узайтиришмади. Эҳтимол, томонлар келишувга эришган бўларди, аммо жорий этилган санкциялар бунга имкон бермади.
Ўтган ёзда «Реал» «Бавария» ҳимоячиси Давид Алабани текинга ўз сафига қўшиб олганди ва йилига 20 миллион евро маошли шартнома имзолаганди.
