"Bavariya" hujumchi Serj Gnabri bilan shartnomani uzaytirish borasida kelisha olmayapti, deb xabar beradi Kicker.
Tomonlar yangi kelishuv bo‘yicha muzokaralar olib bormoqda, biroq murosaga kela olmayapti. Asosiy masala futbolchining moliyaviy talablari bo‘lib qolmoqda.
26 yoshli germaniyalikning myunxenliklar bilan amaldagi shartnomasi 2023 yilning iyunigacha mo‘ljallangan.
Gnabri joriy mavsumda barcha turnirlarda 42 ta o‘yinda maydonga tushib, 16 ta gol urdi va 5 ta golli uzatmani amalga oshirdi.
