Frenk Lempard «Liverpul» - «Everton» (2:0) uchrashuvidagi hakamlar ishidan norozi bo‘ldi.

Uchrashuvning 54-daqiqasida (0:0) «Everton» yarim himoyachisi Entoni Gordon himoyachi Joel Matip bilan to‘qnashib ketganidan so‘ng raqib jarima maydonchasi ichida yiqildi, biroq bosh hakam Styuart Ettuell penalti belgilamadi.

“Ikkinchi bo‘limda penalti bo‘ldi. Menimcha, bu yerda penalti o‘ylab topish mumkin emas. O‘ylashimcha, agar bu bizning jarima maydonchamizda Muhammad Saloh bilan sodir bo‘lganida, penalti belgilangan bo‘lardi.

Men ziddiyat yaratmoqchi emasman. Menimcha, ba’zida bular futboldagi haqiqatlardek tuyuladi. Ehtimol, men ortida juda katta muxlislar bor yuqori darajadagi klublarda o‘ynaganim uchundir.

Entoniga nisbatan qo‘pollik ishlatildi. Bu aniq qoidabuzarlik. Lekin bu stadionda penalti ishlab bo‘lmaydi” - dedi «Everton» ustozi «Enfild»dagi o‘yindan keyin.