«Roma» yarim himoyachisi Nikolo Dzanyolo Joze Mourinyo qo‘l ostida bu mavsumda sovrinni qo‘lga kiritishiga umid bildirdi.

Eslatib o‘tamiz, kelasi payshanba kuni rimliklar Konferensiyalar ligasining yarim finalida Angliyaning «Lester» jamoasiga qarshi o‘ynaydi.

"Mourinyo - dunyodagi eng yaxshi murabbiylardan biri. Hech qachon taslim bo‘lmaslik, har doim oyoqqa turib, natijaga erishish uchun birlashish san’atini har birimizga singdirdi. Umid qilamizki, u bilan qandaydir sovrin yuta olamiz», - dedi Dzanyolo Football Italia bilan suhbatda.

Eslatib o‘tamiz, avvalroq Dzanyolo Konferensiyalar ligasining chorak final javob uchrashuvida Norvegiyaning "Bodyo-Glimt" jamoasiga qarshi uchrashuvda xet-trik qayd etgandi.