Superliganing 5-turidan o‘rin olgan “Neftchi” – “Bunyodkor” (1:3) uchrashuvidan keyin mezbonlar ustozi Ilhom Mo‘minjonov o‘z fikrlari bilan o‘rtoqlashdi.
- Bugungi natijaga har doimgidek bosh murabbiy sifatida o‘zim aybdorman. Bugun jangovor o‘yin o‘tkazdik. Birinchi bo‘limdan so‘ng yigitlarga xatolari haqida tushuntirdim. Ikkinchi bo‘limda maydonga chiqib 11 daqiqa yaxshi o‘ynadik. Goldan keyin jami 33 daqiqa “Bunyodkor” o‘ynadi. Futbolchilarimiz himoyada xato qilishdi, ayrimlar o‘z pozisiyalarini yo‘qotishdi. Raqibga uzoq masofadan zarba yo‘llashga imkon berib qo‘ydik. 2 ta gol jamoamizni “sindirdi”. Bizda goldan so‘ng futbolchilarning o‘ziga kelishi qiyin bo‘layapti. O‘yin oxirida qizil kartochka ham oldik. Shuningdek, Abror Ismoilovning muxlislar tomon amalga oshirgan ishi juda xunuk xolat, bu uchun jamoamiz nomidan uzr so‘rayman. Bu masalada o‘zi bilan gaplashdik, noto‘g‘ri ish qilganini anglab yetdi.
