The Times nashri xabariga ko‘ra, «Manchester Yunayted» futbolchilari jamoa bosh murabbiyi Ralf Rangnik va uning murabbiylar shtabidan hafsalasi pir bo‘lgan.
Manbaga ko‘ra, ko‘pchilik futbolchilar murabbiyning qarorlaridan hayratda. Jumladan, APL 30-turidan o‘rin olgan «Liverpul»ga qarshi o‘yin (0:4) oldidan Rangnik jamoa avval ishlab chiqmagan sxemani, ya’ni besh nafar himoyachidan tashkil topgan taktikani sinab ko‘rishga qaror qildi.
Shuningdek, futbolchilar turli OAVlarda nemislar tomonidan bildirilayotgan tanqidlardan norozi.
34 ta o‘yindan so‘ng «Manchester Yunayted» APL turnir jadvalida 6-o‘rinda bormoqda. Ularni kuchli to‘rtlikdan olti ochkoni ajratib turibdi
Eslatib o‘tamiz, mavsum yakunlangach, Rangnik klubda maslahatchi lavozimini egallaydi va jamoani gollandiyalik mutaxassis Erik ten Xag boshqaradi.
