Reglamentga muvofiq, Pro liga ishtirokchisi sanaladigan “Aral samali” klubining yoshlar tarkibi U-19 chempionatida qatnashishi lozim. Biroq moliyaviy muammolar tufayli “Aral samali U-19” dastlabki uchta turda ishtirok eta olmadi. 

“Aral samali”ning yangi investorlari jamoani ancha kech qabul qilib olgani va ularda puxta smeta tayyorlash uchun fursat yetarli bo‘lmaganini inobatga olgan holda O‘zPFL “Aral samali”ga so‘nggi imkoniyatni taqdim etgan edi. Agar vaziyat 4-turga qadar o‘zgarmasa, “Aral samali” kelasi mavsumni Birinchi ligada o‘tkazishi ma’lum qilingandi. 

Bundan to‘g‘ri xulosa qilagan “Aral samali” U-19 jamoasi futbolchilarini O‘zPFL ro‘yxatidan o‘tkazdi. Nukus shahri jamoasi U-19 chempionati doirasidagi uchrashuvini 9 may sanasida o‘z maydonida “Nasaf U-19”ga qarshi o‘tkazadi. Shuningdek, smeta bilan bog‘liq fors-major holatidan kelib chiqib, mazkur jamoaning safardagi o‘yinlari masalasida yengillik yaratishga harakat qilinadi.