«Manchester Siti» va Argentina terma jamoasining sobiq hujumchisi Serxio Aguero «shaharliklar» bosh murabbiyi Pep Gvardiola bilan kelisha olmaganini tan oldi.
Argentinalik futbolchi Aguero endigina jamoaga kelganida jamoa murabbiyi futbolchidan norozi bo‘lganini aytdi.
«Bir voqea bo‘lgan edi, Pep «Manchester Siti»ga kelganini birinchi yili u menga: «Bunday mashg‘ulot o‘tkaza olmaysan» - degan edi. Men: “Lekin men shunday mashq qilaman, o‘zim xohlagandek mashq qilaman. Agar siz menga burchakka yugurib, orqaga qaytishimni aytsangiz, men borib yuguraman, lekin o‘z yo‘limda yuguraman, deganman» - deb yodga oldi Aguero A Bola bilan suhbatda.
Argentinalik futbolchi shu sabab murabbiy bilan ko‘p muammolarga duch kelganini qo‘shimcha qildi. Aguero buni o‘yin amaliyotiga kam ega bo‘lgani bilan bog‘laydi. Biroq hujumchining aytishicha, Pep oxir-oqibat futbolchiga moslashgan va ular umumiy til topishgan.
Eslatib o‘tamiz, 33 yoshli Aguero 2011 yildan 2021 yilgacha «Manchester Siti» sharafini himoya qilgan. O‘sha yilning yozida argentinalik futbolchi «Barselona»ga ko‘chib o‘tdi, ammo dekabrda u yurakdagi muammolar tufayli faoliyatini yakunlashini e’lon qildi.
