«Манчестер Сити» ва Аргентина терма жамоасининг собиқ ҳужумчиси Серхио Агуэро «шаҳарликлар» бош мураббийи Пеп Гвардиола билан келиша олмаганини тан олди.
«Бир воқеа бўлган эди, Пеп «Манчестер Сити»га келганини биринчи йили у менга: «Бундай машғулот ўтказа олмайсан» - деган эди. Мен: “Лекин мен шундай машқ қиламан, ўзим хоҳлагандек машқ қиламан. Агар сиз менга бурчакка югуриб, орқага қайтишимни айтсангиз, мен бориб югураман, лекин ўз йўлимда югураман, деганман» - деб ёдга олди Агуэро A Bola билан суҳбатда.
Аргентиналик футболчи шу сабаб мураббий билан кўп муаммоларга дуч келганини қўшимча қилди. Агуэро буни ўйин амалиётига кам эга бўлгани билан боғлайди. Бироқ ҳужумчининг айтишича, Пеп охир-оқибат футболчига мослашган ва улар умумий тил топишган.
Эслатиб ўтамиз, 33 ёшли Агуэро 2011 йилдан 2021 йилгача «Манчестер Сити» шарафини ҳимоя қилган. Ўша йилнинг ёзида аргентиналик футболчи «Барселона»га кўчиб ўтди, аммо декабрда у юракдаги муаммолар туфайли фаолиятини якунлашини эълон қилди.
