«Liverpul» va «Vilyarreal» jamoalari Chempionlar ligasining birinchi yarim final uchrashuvida to‘qnash kelishdi va "qizillar" 2:0 hisobida g‘alaba qozonishdi.
«Liverpul» himoyachisi Endryu Robertson uchrashuv haqida fikr bildirdi.
- Birinchi bo‘limda imkoniyatlarimiz bo‘ldi, ikkinchi bo‘limda esa birinchi golni urganimizda stadion aql bovar qilmaydigan darajada junbushga keldi. Bu bizga yangi turtki bo‘ldi va ikkinchi golni kiritdik. Men uchinchi golni ham urishni xohlardim, lekin ikkita gol ham yomonmas. Bu Chempionlar ligasining yarim finali. Bu yerda bor kuchimni sarflashim kerak edi. Bizda qiyin taqvim bor, lekin biz tayyormiz, biz bu intensivlikdan zavqlanyapmiz”, dedi Robertson BT Sport nashriga.
