"Barselona" himoyachi Serjinyo Destni sotish niyatida emas. Kataloniya klubi bosh murabbiyi Xavi futbolchini jamoaning muhim qismi deb hisoblaydi, deb yozadi ESPN va amerikalik himoyachini keyingi mavsumda saqlab qolishga intiladi.

Oldinroq Dest yozgi transfer oynasida sotilishi yoki "Lids" vingeri Rafinya Diazni sotib olish bo‘yicha kelishuvning bir qismi bo‘lishi mumkinligi xabar qilingandi.

Dest bu mavsumda kichik jarohatlar tufayli bir nechta o‘yinlarni o‘tkazib yubordi va mavsum startini muvaffaqiyatli boshlay olmadi.

Dest La Liganing ushbu mavsumida 21 ta o‘yinda maydonga tushib, 3 ta golli uzatmani amalga oshirdi.