Superliga 6-turining markaziy o‘yinlaridan biri Samarqandda o‘tadi. Bugun, 30 aprel kuni 60 yillik qarama-qarshilik tarixiga ega azaliy raqiblar «Dinamo» va «Neftchi» o‘zaro to‘qnash kelishadi. Samarqand va Farg‘ona viloyatining bosh jamoalari o‘rtasidagi qarama-qarshilik oldidan «Dinamo» klubi matbuot xizmati azaliy raqiblarning o‘zaro o‘yinlariga e’tibor qaratadi.
Kimda qanday natija?
Pro ligadan Superligaga qaytgan jamoalar ayni damda deyarli bir xil holatda. «Dinamo» so‘nggi turdagi g‘alaba evaziga 5 o‘yindan keyin 4 ochko jamg‘argan holda turnir jadvalida 10-o‘rinni egallab turibdi. «Neftchi» esa ilk turda penaltidan kiritilgan gol evaziga viloyatdoshi «Qo‘qon-1912»ni mag‘lub etib, 3 ochko bilan 13-o‘rinda bormoqda.
«Dinamo»ning o‘tgan 5 turdagi natijasi:
1-tur. «Dinamo» – «Paxtakor» – 0:2
2-tur. «So‘g‘diyona» – «Dinamo» – 1:0
3-tur. «Dinamo» – «Qizilqum» – 0:0
4-tur. «Bunyodkor» – «Dinamo» – 2:1
5-tur. «Dinamo» – «Lokomotiv» – 3:1
«Neftchi»ning o‘tgan 5 turdagi natijasi:
1-tur. «Neftchi» – «Qo‘qon-1912» – 1:0
2-tur. «Paxtakor» – «Neftchi» – 1:0
3-tur. «Neftchi» – «Co‘g‘diyona» – 1:2
4-tur. «Qizilqum» – «Neftchi» – 3:0
5-tur. «Neftchi» – «Bunyodkor» – 1:3
O‘zaro o‘yinlar tarixi: Ustunlik kimda?
Toshkentning «Paxtakor» jamoasidan keyin, mamlakatda ikkinchi bo‘lib 1960 yilda tashkil topgan Samarqand klubi va 1962 yilda tashkil etilgan Farg‘ona jamoasi Sobiq Ittifoq chempionatlaridan tashqari, 1992 yildan start olgan O‘zbekiston chempionatlari tarixida o‘zaro 52 marta o‘zaro to‘qnash kelgan.
Natijalar «Neftchi»ning ustunligini ko‘rsatmoqda. Farg‘onaliklar 52 bahsning 35tasida g‘alaba qozongan. Aksariyat g‘alabalar «Neftchi»ning 26 yillik ustozi Yuriy Sarkisyan davriga to‘g‘ri keladi. 14 uchrashuvda «Dinamo»ning qo‘li baland kelgan. 3ta o‘yinda esa durang qayd etilgan.
To‘plar nisbati ham tabiiyki «Neftchi» foydasiga 91-44. O‘zaro o‘yinlarda «Neftchi» 108 ochkoni qo‘lga kiritgan bo‘lsa, «Dinamo» 45 ochkoga ega bo‘lgan.
Jamoalarning chempionat doirasidagi Samarqanddagi so‘nggi to‘qnashuvi 2021 yilning 21 noyabr kuni Pro liga doirasida o‘tib, 1:1 hisobida qayd etilgan. Superligadagi o‘zaro so‘nggi o‘yin esa 2017 yil o‘tib, «Dinamo» Adnan Oraxovasning yagona goli evaziga «Neftchi»ni mag‘lub etgan. Shuningdek, tomonlar kubok doirasida joriy mavsum to‘qnash kelib, vodiy klubi Predrag Rogan shogirdlari ustidan 2:0 hisobida ustun kelgan.
Samarqandda o‘tgan chempionat doirasidagi so‘nggi 12 uchrashuv:
21.11.2021 «Dinamo» - «Neftchi» 1:1
26.05.2021 «Dinamo» - «Neftchi» 0:1
10.11.2020 «Dinamo» - «Neftchi» 2:0
25.09.2020 «Dinamo» - «Neftchi» 0:1
08.11.2017 «Dinamo» - «Neftchi» 1:0
09.23.2015 «Dinamo» - «Neftchi» 0:1
17.10.2014 «Dinamo» - «Neftchi» 0:0
08.11.2013 «Dinamo» - «Neftchi» 2:0
17.11.2012 «Dinamo» - «Neftchi» 2:0
09.09.2011 «Dinamo» - «Neftchi» 2:0
15.05.2010 «Dinamo» - «Neftchi» 3:1
26.04.2009 «Dinamo» - «Neftchi» 2:0
Superliga. 6-tur.
30 aprel (shanba)
«Dinamo» - «Neftchi»
Samarqand, Dinamo stadioni.
Chipta narxi: 15 / 25 ming so‘m
Uchrashuv boshlanish vaqti: 18:40
TV-translyasiya: Sport.
