"Yuventus" joriy mavsum yakunida Chempionlar ligasiga chiqsa, "Fiorentina"dan hujumchi Federiko Kyezaning huquqlarini sotib olishi kerak bo‘ladi. Bu haqda jurnalist Marko Konterio xabar berdi.
Eslatib o‘tamiz, 24 yoshli Kyezani “Yuventus” 2020 yil oktyabr oyida “Fiorentina”dan ikki mavsumga 12,6 million yevro evaziga ijaraga olgandi.
Turinliklar futbolchini 40 million yevroga sotib olish imkoniyatiga ega.
Hujumchi joriy mavsumda barcha musobaqalarda 18 ta o‘yinda 4 ta gol urdi va 4 ta golli uzatmani amalga oshirdi.
