«Real» yarim himoyachisi Luka Modrich «qaymoqranglilar» bosh murabbiyi Karlo Anchelotti haqida fikr bildirdi. Eslatib o‘tamiz, yaqinda «Real» Ispaniya La ligasining joriy mmavsumida muddatidan avval g‘alaba qozondi.
«Anchelottining qaysidir yaxshi sifatini ajratib ko‘rsatish qiyin. U klubga ikkinchi bor kelganida o‘ziga bo‘lgan ishonchimizni tikladi. Bu tarixdagi eng buyuk mutaxassislardan biri.
Anchelotti qaytib kelayotganini bilganimizda juda xursand bo‘ldik. Uning qo‘l ostidagi birinchi mavsum bizga juda yoqdi.
Anchelotti jamoani juda mahorat bilan boshqaradi. Karlo haqida gapirganda, birinchi navbatda, shuni ta’kidlab o‘tish joiz», - dedi xorvatiyalik.
