Transfer bozori eksperti Fabrisio Romano «Liverpul» «Monako» yarim himoyachisi Orelyen Tchuameni vakillari bilan muzokara o‘tkazganini ma’lum qildi.

«Orelyen Tchuameni «Liverpul»ga mos futbolchi. Klub allaqachon futbolchining agenti bilan muzokaraga kirishgan», - dedi Romano.

«Monako» futbolchi uchun kamida 50 million yevro narx belgilagan. Oldinroq yarim himoyachi «Real»ning ham qiziqishlari doirasida ekanligi haqida xabarlar tarqalgan edi.

Tchameni joriy mavsum Liga 1da 32 ta o‘yinda maydonga tushib, 1 ta gol va 1 ta golli uzatmani amalga oshirdi.