"Yuventus" "Monako" yarim himoyachisi Aureliyen Tchuameni transferidan voz kechdi. Italiya klubi futbolchi uchun juda qimmat narxdan qoniqmayapti.

Turinliklar fransiyalik iqtidorli futbolchiga bir necha bor qiziqish bildirishgan. "Monako" yarim himoyachini bir necha kun oldin kamida 50 million yevroga baholagan va bu qiymat o‘sishda davom etmoqda.

Tuttojuve xabariga ko‘ra, bu "Yuventus" rahbariyatini futbolchini sotib olish bo‘yicha keyingi muzokaralardan qaytardi. Turin klubi tarkibni kuchaytirish uchun boshqa muqobil variantlarni ko‘rib chiqadi, deyiladi xabarda.

Joriy mavsumda futbolchi Fransiya chempionatida 32 ta o‘yin o‘tkazib, 1 ta gol urdi va 1 ta golli uzatmani amalga oshirdi.