"Ювентус" "Монако" ярим ҳимоячиси Аурелиен Тчуамени трансферидан воз кечди. Италия клуби футболчи учун жуда қиммат нархдан қониқмаяпти.

Туринликлар франциялик иқтидорли футболчига бир неча бор қизиқиш билдиришган. "Монако" ярим ҳимоячини бир неча кун олдин камида 50 миллион еврога баҳолаган ва бу қиймат ўсишда давом этмоқда.

Tuttojuve хабарига кўра, бу "Ювентус" раҳбариятини футболчини сотиб олиш бўйича кейинги музокаралардан қайтарди. Турин клуби таркибни кучайтириш учун бошқа муқобил вариантларни кўриб чиқади, дейилади хабарда.

Жорий мавсумда футболчи Франция чемпионатида 32 та ўйин ўтказиб, 1 та гол урди ва 1 та голли узатмани амалга оширди.