«Тоттенхэм» марказий ҳимоячиси Кристиан Ромерога ҳали ҳам «Барселона» ва Мадриднинг «Атлетико» клублари қизиқиш билдирмоқда.

Журналист Жанлуижи Лонгарининг хабарига кўра, аргентиналик футболчи бош мураббий Роберто Де Дзерби уни йўқотишни истамаётганига қарамай, шу ёзда «шпорлар» сафини тарк этмоқчи. Ушбу жаҳон чемпионига анчадан бери даъвогар ҳисобланган «кўк-анорранглилар» ва «матрасчилар» вазиятни диққат билан кузатиб боришмоқда. Шунингдек, 28 ёшли футболчини А Серия грандлари ҳам ўз сафига қўшиб олмоқчи, бироқ улар учун ўйинчининг нархи жуда баландлик қилади.

Кристиан Ромеронинг «Тоттенхэм» билан шартномаси 2029 йилгача мўлжалланган. Transfermarkt портали лондонликлар сардорининг трансфер баҳосини 45 млн еврога баҳоламоқда.